Barre de menu commune
Common menu bar
Fil d'Ariane
Breadcrumb
ᓱᓕᔪᓂᒃ ᐅᓂᒃᑳᕈᑏᑦ : ᓂᕿᑦᑎᐊᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ
ᑕᒪᐃᓐᓂᒃ ᑕᑯᓪᓗᒋᑦ
- ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ ᐊᑐᒐᒃᓴᓕᐊᕆᔭᐅᓯᒪᔪᑦ ᐊᑭᑭᒡᓕᒋᐊᕈᑕᐅᓂᕐᒧᑦ ᓂᕿᓄᑦ ᐱᐅᓯᓂᖅᓴᓂᒃ ᐱᖃᑕᐅᔪᓐᓇᖁᓪᓗᒋᑦ ᐃᓄᐃᑦ ᓱᕈᖅᓴᕋᐃᑦᑐᓂᒃ ᓂᕿᑦᑎᐊᕙᖕᒧᑦ ᑎᒥᒧᑦ ᐱᐅᔫᑎᓂᒃ, ᐅᖓᓯᒃᑐᓃᑦᑐᓂᒃ ᑎᑭᑕᐅᓴᕋᐅᖏᑦᑐᓂ ᓄᓇᓕᖕᓂ. ᓯᕗᓪᓕᖅᐹᒥᒃ ᐊᑐᓕᕆᐊᖅᑎᑕᐅᓚᐅᖅᓯᒪᔪᑦ ᐄᐳ 1, 2011-ᒥ.
- ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ ᑐᖓᕕᖃᖅᐳᖅ ᓂᐅᕕᖅᑕᐅᕙᓪᓕᐊᔪᓂᒃ ᒪᓕᖕᓂᕐᒥᒃ. ᑖᒃᑯᐊ ᐊᑭᑭᒡᓕᒋᐊᕈᑎᓕᐊᕆᔭᐅᓯᒪᔪᑦ ᑲᒪᒋᔭᐅᕗᑦ ᓂᐅᕕᕐᕕᓕᖕᓄᑦ ᐊᒻᒪᓗ ᑎᑭᓴᐃᕝᕕᐅᕙᒃᑐᓄᑦ ᐆᒃᑐᖅᓯᒪᓪᓗᑎᒃ, ᐊᒻᒪᓗ ᓂᕈᐊᖅᑕᐅᓯᒪᓪᓗᑎᒃ ᐊᑎᓕᐅᖅᑕᐅᓯᒪᖃᑕᐅᓂᕐᒧᑦ ᐊᑐᖅᑕᐅᓂᐊᖅᑐᓄᑦ.
- ᐱᓕᕆᕝᕖᑦ ᓂᕿᓕᕆᔩᑦ ᐊᑎᓕᐅᖅᑕᐅᓯᒪᔪᑦ ᐊᑐᒐᒃᓴᓕᐊᖑᓯᒪᔪᓂ ᑖᒃᑯᓇᓂ, ᓴᕿᑎᕆᖃᑦᑕᕆᐊᖃᖅᐳᑦ ᐊᑭᑭᒡᓕᒋᐊᕈᑎᒃᓴᖅᑖᕆᔭᒥᓂᒃ ᓂᐅᕕᖅᑎᒥᓄᑦ. ᐅᑭᐅᖅᑕᖅᑐᒥᐅᑕᐃᑦ ᐃᑲᔪᖅᑕᐅᕚᓪᓕᖃᑦᑕᖅᐳᑦ ᐊᑭᑭᒡᓕᒋᐊᖅᑕᐅᓯᒪᓂᖏᓐᓂᒃ ᓂᐅᕕᕌᖓᒥᒃ ᐊᑭᑭᒡᓕᒋᐊᕈᑎᒃᓴᖃᖅᑎᑕᐅᔪᓂᒃ ᓂᐅᕕᐊᒃᓴᓂᒃ ᓂᐅᕕᕐᕕᖕᓂᒃ ᓄᓇᒥᓂᒃ. ᐃᓄᐃᑦ ᐊᑐᓂ, ᐊᒻᒪᓗ ᓂᐅᕕᐊᒃᓴᖅᑎᐅᔫᑦ ᓲᕐᓗ ᓄᓇᓕᖕᓂ ᓂᕆᔭᖅᑐᕐᕖᑦ ᐊᒻᒪᓗ ᐃᓄᖃᕐᕕᐅᕙᒃᑐᑦ ᓇᔪᖅᑕᐅᕙᒃᑐᑦ ᓲᕐᓗ ᐸᐃᕐᕆᕖᑦᑕᐅᖅ ᐃᑲᔪᖅᑕᐅᓯᒪᔪᓐᓇᕐᒥᔪᑦ ᐊᑭᑭᒡᓕᒋᐊᖅᑕᐅᓯᒪᔪᓂᒃ ᑎᑭᓴᐊᒑᖓᒥᒃ ᑕᐃᒃᑯᓇᖓᓪᓗᑐᖅ ᓂᐅᕕᐊᒃᓴᖃᖅᑐᓂᒃ ᐊᑎᓕᐅᖅᑕᐅᓯᒪᔪᓂᒃ ᖃᓗᓈᓂᒃ ᑎᑭᓴᐅᕝᕕᖕᓂᒃ ᐊᑭᑭᒡᓕᒋᐊᕈᑎᒃᓴᖃᖅᑎᑕᐅᔪᓂᒃ.
ᓄᓇᓖᑦ ᐃᓚᐅᔪᓐᓇᖅᑐᑦ ᐊᑐᒐᒃᓴᓕᐊᖑᓯᒪᔪᓂᒃ ᐊᑐᕈᓐᓇᕐᓂᖅ
- ᐃᓚᐅᔪᒪᔪᑦ ᐊᑐᒐᒃᓴᐅᔪᓂᒃ ᓄᓇᓖᑦ ᐃᒪᐃᓕᐅᕆᐊᖃᖅᐳᑦ:
- ᐊᕐᕋᒍᓕᒫᖅ ᐊᓯᐊᒍᑦ ᑎᑭᕝᕕᐅᔪᓐᓇᖏᑦᑐᑦ (ᓲᕐᓗ ᐊᖅᑯᑎᖃᐃᓐᓇᖏᑦᑐᑦ, ᐊᖅᑯᑎᑯᑖᖃᐃᓐᓇᖏᑦᑐᑦ ᐅᒥᐊᕐᔪᐊᖅᑕᐅᖏᓐᓇᖃᑦᑕᖏᑐᓪᓗᓐᓃᑦ), ᐊᒻᒪᓗ
- ᐊᑐᖃᑦᑕᖅᓯᒪᔪᑦ ᓂᕿᓂᒃ ᑎᑭᓴᐃᖃᑦᑕᕐᓂᕐᒥᒃ, ᐃᖃᓇᐃᔭᕐᕕᒃᑯᑎᓐᓂᒃ ᓯᕗᓂᐊᒍᑦ ᐅᑭᐅᖅᑕᖅᑐᒥ ᑎᑭᑎᑦᑎᓂᕐᒧᑦ ᐊᑭᑭᒡᓕᒋᐊᕈᑕᐅᕙᓚᐅᖅᑐᑦ.
- ᐃᓚᖏᑦ ᓄᓇᓖᑦ ᐃᓚᐅᔪᓐᓇᕐᒥᔪᑦ ᑕᒪᐃᓐᓂᒃ ᐊᑭᑭᒡᓕᒋᐊᕈᑕᐅᓯᒪᔪᓂᒃ, ᐊᒻᒪᓗ ᐃᓚᖏᑦ ᐃᓚᐃᓐᓇᖏᓐᓂᒃ ᐊᑭᑭᒡᓕᒋᐊᖅᑕᐅᓯᒪᔪᓐᓇᖅᑐᓂᒃ.
- ᓄᓇᓖᑦ ᐃᓚᐅᔪᓐᓇᖅᑐᑦ ᑕᒪᐃᓐᓂᒃ ᐊᑭᑭᒡᓕᒋᐊᕈᑎᒃᓴᖃᖅᑐᓂᒃ ᐊᑐᖃᑦᑕᓚᐅᖅᑐᑦ ᐊᒃᓱᐊᓗᒃ ᓂᕿᓂᒃ ᑎᑭᓴᐃᖃᑦᑕᓚᐅᖅᑐᓂᒃ. ᐊᑯᓐᓂᖏᓐᓂᒃ ᐄᐳ 1, 2009 ᐊᒻᒪᓗ ᒫᔾᔨ 31, 2010, ᑖᒃᑯᐊ ᓄᓇᓖᑦ ᐱᖃᑦᑕᓚᐅᖅᑐᑦ ᐅᖓᓃᑦᑐᓂᒃ 15,000 ᑭᓗᒍᓛᒻᓂᒃ (ᐊᕐᕋᒍᓕᒫᖅ) ᓱᕈᖅᓴᕋᐃᑦᑐᓂᒃ ᓂᕿᓂᒃ ᑎᑭᓴᖅᑕᐅᓯᒪᔪᓂᒃ, ᐅᕝᕙᓗᓐᓃᑦ ᐅᖓᑖᓃ $4 ᑕᕿᑕᒫᖅ ᐊᑕᐅᓯᖅ ᐃᓄᒃ, ᑎᑭᑎᑦᑎᓂᕐᒧᑦ ᐊᑭᑭᒡᓕᒋᐊᕈᑕᐅᔪᓂᒃ .
- ᓄᓇᓖᑦ ᐃᓚᐅᔪᓐᓇᖅᑐᑦ ᐃᓚᐃᓐᓇᖏᓐᓂᒃ ᐊᑭᑭᒡᓕᒋᐊᕈᑎᒃᓴᖃᖅᑐᓂᒃ
- ᐊᒃᓱᐊᓗᖏᓐᓂᖅᓴᖅ ᓂᕿᓂᒃ ᑎᑭᓴᐃᖃᑦᑕᓚᐅᖅᑐᓂᒃ. ᐊᑯᓐᓂᖏᓐᓂᒃ ᐄᐳ 1, 2009 ᐊᒻᒪᓗ ᒫᔾᔨ 31, 2010, ᑖᒃᑯᐊ ᓄᓇᓖᑦ ᐱᖃᑦᑕᓚᐅᖅᑐᑦ ᐅᖓᓃᑦᑐᓂᒃ 100 ᐊᒻᒪᓗ 14,999 ᑭᓗᒍᓛᒻᓂᒃ (ᐊᕐᕋᒍᓕᒫᖅ) ᓱᕈᖅᓴᕋᐃᑦᑐᓂᒃ ᓂᕿᓂᒃ ᑎᑭᓴᖅᑕᐅᓯᒪᔪᓂᒃ, ᐅᕝᕙᓗᓐᓃᑦ ᐊᑖᓂ $4 ᑕᕿᑕᒫᖅ ᐊᑕᐅᓯᖅ ᐃᓄᒃ, ᑎᑭᑎᑦᑎᓂᕐᒧᑦ ᐊᑭᑭᒡᓕᒋᐊᕈᑕᐅᔪᓂᒃ.
ᓂᖀᑦ ᐊᑐᕈᓐᓇᖅᑎᑕᐅᔪᑦ ᐊᑭᑭᒡᓕᒋᐊᕈᑎᒃᓴᓂᒃ
- ᐊᑐᒐᒃᓴᐃᑦ ᐊᑭᑭᒡᓕᒋᐊᕈᑕᐅᕙᒃᐳᑦ ᓱᕈᖅᓴᕋᐃᑦᑐᓄᑦ ᓂᕿᓄᑦ. ᓱᕈᖅᓴᕋᐃᑦᑐᑦ ᓂᖀᑦ ᐃᒪᐃᓐᓇᑐᓐᓇᖅᐳᑦ, ᓄᑖᑦ, ᖁᐊᖅᓯᒪᔪᑦ, ᓂᒡᓕᓇᖅᑐᒦᑎᑕᐅᔪᑦ, ᐅᕝᕙᓗᓐᓃᑦ ᑐᖁᖅᑕᐅᓯᒪᔪᓐᓇᖏᑦᑐᑦ ᐅᖓᑖᓄᑦ ᐊᑕᐅᓯᕐᒧᑦ ᐊᕐᕋᒍᒧᑦ. ᑎᑭᑎᑕᐅᓯᒪᔭᕆᐊᖃᖅᑐᑦ ᖃᖓᑕᓲᒃᑯᑦ.
- ᐊᑭᑐᓂᖅᓴᐃᑦ ᐊᑭᑭᒡᓕᒋᐊᖅᑕᐅᓂᖏᑦ ᑐᕌᖓᕗᑦ ᓂᕿᑦᑎᐊᕙᐅᓛᖑᔪᓄᑦ ᑎᒥᒧᑦ, ᓱᕈᖅᓴᕋᐃᑦᑐᓄᑦ. ᓲᕐᓗ ᓰᕐᓇᖅᑐᑦ ᓄᑖᑦ, ᖁᐊᖅᓯᒪᔪᑦ ᐱᕈᖅᑎᕕᓃᑦ, ᓂᐊᖂᔭᐃᑦ, ᓂᖀᑦ, ᐃᒻᒧᒃ ᐊᒻᒪᓗ ᒪᓐᓃᑦ.
- ᐊᑭᑭᓐᓂᖅᓴᐃᑦ ᐊᑭᑭᒡᓕᒋᐊᖅᑕᐅᓂᖏᑦ ᑐᖄᖓᓄᑦ ᐊᓯᖏᓐᓂᑦ ᓂᕿᓄᑦᑕᐅᖅ ᐃᓚᒋᔭᐅᔪᓐᓇᖅᑐᓄᑦ, ᓲᕐᓗ ᐸᓚᐅᒐᖅ, ᓯᒐᓚᑦ, ᐊᐃᔅᓱᑯᓖᒻ, ᐊᒻᒪᓗ ᐃᓚᔭᐅᓯᒪᔪᑦ (ᓲᕐᓗ ᐲᑦᓴ, ᓚᓵᓐᓂᐊ).
- ᓱᕈᖅᓴᕋᐃᖏᑦᑐᑦ ᓂᑏᑦ, ᐃᓚᒋᔭᐅᓪᓗᑎᒃ ᐸᓂᖅᑐᑦ ᐊᒻᒪᓗ ᐃᐳᐃᑦᑐᕐᒦᑦᑐᑦ ᓂᑏᑦ, ᐊᒻᒪᓗ ᓂᕿᐅᖏᑦᑐᑦ ᓲᕐᓗ ᐃᖂᑎᒃᓴᐃᑦ, ᐊᒻᒪᓗ ᖁᐃᖏᓕᑕᐃᑦ, ᓱᒃᑲᔪᒥᒃ ᐊᑭᑐᔪᒥᒡᓗ ᖃᑕᓲᒃᑰᖅᑎᑕᐅᔭᕆᐊᖃᖃᑦᑕᖏᒻᒪᑦ. ᐊᑭᑭᓐᓂᖅᓴᐅᕙᖕᒪᑦ ᓂᐅᕕᕕᖃᖅᑎᓄᑦ ᐊᒻᒪᓗ ᓂᐅᕕᖅᑎᖏᓐᓄᑦ ᐃᖕᒥᓂᒃ ᑎᑭᓴᐃᖃᑦᑕᕈᑎᒃ ᑕᒪᒃᑯᓂᖓ ᐊᑐᕐᓗᑎᒃ ᐅᑭᐅᒃᑯᑦ ᐊᖅᑯᑎᓂᒃ, ᐅᒥᐊᕐᔪᐊᑕᐅᕙᒃᑐᓂᒃ ᑲᓕᒐᕐᓂᒡᓗᓐᓃᑦ.
- ᖃᐅᔨᒋᐊᑦᑎᐊᒃᑲᓐᓂᕈᒪᔪᑦ ᓱᓇᒥᒃ ᐊᑭᑭᒡᓕᒋᐊᕈᑎᑦ ᐊᑭᑭᒡᓕᒋᐊᕆᓲᖑᖕᒪᖔᑕ
2012. ᐃᑲᔪᕈᒪᓪᓗᒋᑦ ᓄᓇᓖᑦ, ᓂᐅᕕᖅᕖᑦ ᐊᒻᒪᓗ ᑎᑭᓴᐃᕖᑦ ᐊᓯᖑᖅᐸᓪᓕᐊᓕᕐᓂᖏᓐᓄᒃ ᓄᑖᓄᑦ ᐊᑐᖅᑕᐅᓕᖅᑐᓄᑦ ᓂᕿᑦᑎᐊᕙᓕᕆᓂᕐᒥᒃ ᐅᑭᐅᖅᑕᖅᑐᖓᓂ ᑲᓇᑕᐅᑉ, ᐊᑭᑭᒡᓕᒋᐊᕈᑏᑦ ᐱᑕᖃᖅᐳᑦ ᐊᒥᓱᓄᑦ ᓱᕈᖅᓴᕋᐃᖏᑦᑐᓄᑦ ᓂᕿᓄᑦ ᓂᕿᐅᖏᑦᑐᓄᓪᓗ, ᑎᑭᓪᓗᒍ ᐊᒃᑑᐱᕆ 1, 2012-ᒧᑦ.
ᐊᑭᑭᒡᓕᒋᐊᖅᑕᐅᓯᒪᓂᖏᑦᑕ ᐊᖏᔫᓂᖏᑦ
- ᐊᑐᒐᒃᓴᐃᑦ ᐋᖀᐅᒪᕙᒌᒃᑐᖃᖅᐳᑦ ᐊᑭᑭᒡᓕᒋᐊᖅᑕᐅᔾᔪᑎᒃᓴᓂᒃ ᐊᖏᓂᖃᖅᑐᓂᒃ $53.9M-ᓂᒃ ᐊᕐᕋᒍᑕᒫᖅ. ᐊᑭᑭᒡᓕᒋᐊᕈᑎᒃᓴᐃᑦ ᐊᖏᓂᖏᑦ ᐋᖀᒃᑕᐅᓯᒪᕗᑦ ᐊᕕᒃᑐᖅᑕᐅᓯᒪᑦᑎᐊᖁᓪᓗᒋ5 ᓇᓕᒧᒌᑦᑎᐊᖅᑐᒥᒃ ᐃᓚᐅᖃᑕᐅᔪᓐᓇᖅᑐᓂ ᓄᓇᓕᖕᓂ. ᑕᐃᒪᐃᓐᓂᖏᓄᑦ, ᐊᑭᑭᒡᓕᒋᐊᕈᑏᑦ ᐊᖏᓂᖏᑦ ᐊᔾᔨᒌᖃᑦᑕᖏᓚᑦ ᓄᓇᓕᖕᒥᒃ ᓄᓇᓕᖕᒧᑦ.
- ᐋᕿᒃᑕᐅᓂᐊᓕᖅᑎᓪᓗᒋᑦ ᐊᖏᓂᖏᑦ ᐊᑭᑭᒡᓕᒋᐊᕈᑏᑦ, ᐊᑐᒐᒃᓴᓕᐊᖑᓯᒪᔪᓂᒃ ᐃᓱᒪᒃᓴᖅᓯᐅᕈᑕᐅᕙᒃᐳᑦ ᓂᐅᕕᕐᕕᓖᑦ ᑎᑭᓴᐃᓂᖏᓐᓄᑦ ᐊᑭᓕᖅᑐᕆᐊᖃᖅᑕᖏᓐᓂᒃ, ᐊᖏᔫᓂᖏᓐᓂᒃ ᐱᖁᑏᑦ ᓂᕆᐅᒋᔭᖏᑦ ᑎᑭᑦᑕᕆᐊᖃᕐᓂᐊᖅᑐᑦ ᖃᖓᑕᓲᒃᑯᑦ ᐊᕐᕋᒍᓕᒫᒥ ᐊᒻᒪᓗ ᐊᒥᓲᓃᖏᓐᓂᒃ ᐊᑐᕐᓂᐊᖅᑐᑦ ᓄᓇᓖᑦ.
- ᐊᑭᑭᒡᓕᒋᐊᕈᑏᑦ ᐊᖏᓂᖏᑦ ᕿᒥᕐᕈᐊᖅᑕᐅᓚᐅᓪᓚᓲᖑᕗᑦ ᐋᕿᒋᐊᖅᑕᐅᔪᓐᓇᖃᑦᑕᖅᓱᑎᒡᓗ ᐊᕐᕋᒍᒥᒃ ᐊᑐᕐᓂᕐᒥ.
- ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᓗᒋᑦ ᒫᓐᓇᐅᔪᖅ ᐊᑭᑭᒡᓕᒋᐊᕈᑏᑦ ᐊᖏᓂᖏᑦ
ᐊᑭᑭᒡᓕᒋᐊᕈᑎᓂᒃ ᓴᑐᐃᓇᓱᐊᕈᑏᑦ ᐊᒻᒪᓗ ᐊᑭᓕᖅᑕᐅᔾᔪᑏᑦ
- ᐊᑎᓕᐅᖅᑕᐅᓯᒪᔪᑦ ᓂᐅᕕᕐᕕᑦ ᐊᒻᒪᓗ ᑎᑭᓴᐃᕖᑦ ᑐᓂᓯᖃᑦᑕᕆᐊᖃᖅᐳᑦ ᓴᑐᖅᓯᓇᓱᐊᕈᑎᖏᓐᓂᒃ ᐊᒻᒪᓗ ᐊᑭᑭᒡᓕᒋᐊᖅᑕᐅᓯᒪᓂᖏᓐᓂᑦ ᐊᑭᓕᐅᓯᐊᓂᒃ ᐊᑐᒐᒃᓴᓕᐊᖑᓯᒪᔪᓂᒃ. ᐃᓄᐃᑦ ᐃᓄᑑᓗᑎᒃ ᐊᑎᓕᐅᖅᑕᐅᓯᒪᖃᑦᑕᖏᑦᑐᑦ ᐊᑐᒐᒃᓴᓕᐊᓂ.
- ᐱᖓᔪᒋᔭᐅᔪᒧᑦ ᓴᑐᖅᑕᐅᕙᓪᓕᐊᔪᓂᒃ ᑲᒪᔨᐅᔪᒧᑦ ᐊᐅᓚᑕᐅᕙᒃᐳᑦ ᐊᑐᒐᒃᓴᓕᐊᖑᓯᒪᔪᓂᑦ ᐊᑭᑭᒡᓕᒋᐊᖅᑕᐅᔾᔪᑎᒃᓴᓕᕆᔨᒃᑯᖏᑦ. ᓴᑐᖅᑕᐅᓇᓱᐊᖅᑐᓕᕆᔨᒃᑯᑦ ᕿᒥᕐᕈᐊᖃᑦᑕᖅᐳᑦ ᑎᑎᖃᖏᓐᓂᒃ ᖃᐅᔨᒪᑎᑦᑎᔾᔪᑎᒃᓴᓕᐊᖑᓯᒪᔪᓂᒃ ᐊᑐᓂ ᓴᑐᖅᑕᐅᓂᐊᖅᑐᓂᒃ ᑕᒻᒪᖅᑕᖅᓯᒪᔭᕆᐊᖃᖏᓐᓂᖏᓐᓂᑦ ᐊᒻᒪᓗ ᐃᓂᖅᑕᐅᓯᒪᑦᑎᐊᖃᑦᑕᕆᐊᖃᕐᓂᖏᓐᓄᑦ.
- ᐊᑐᓂ ᓴᑐᖅᓯᓇᓱᒍᑏᑦ ᐃᓚᖃᕆᐊᖃᖅᐳᑦ ᒪᑯᓂᖓ ᑎᑎᖃᓂᒃ:
- ᐅᓂᒃᑳᖅᓯᒪᑦᑎᐊᖅᑐᓂᒃ ᖃᓄᐃᑦᑑᓂᖏᓐᓂᒃ ᐊᖏᔫᓂᖏᓐᓂᓗ ᑎᑭᑎᑕᐅᔪᑦ ᐊᑭᑭᒡᓕᐊᕈᑎᒃᓴᖃᑎᖅᑕᐅᓚᐅᖅᑐᓄᑦ ᓴᑐᖅᑕᐅᓇᓱᐊᖅᑐᑦ
- ᑎᑎᖃᐃᑦ ᓴᕿᐅᒪᑎᑦᑎᔾᔪᑏᑦ ᑎᑭᓴᖅᑕᐅᓚᐅᖅᑐᑦ ᖃᖓᑕᓲᒃᑯᑦ ᑎᑭᑎᑕᐅᓚᐅᕐᓂᖏᓐᓂᒃ
- ᖃᐅᔨᒪᑎᑦᑎᔾᔪᑏᑦ ᑎᑎᖃᐃᑦ ᓇᑭᑳᖓᓚᐅᕐᒪᖔᑕ ᑭᓇᒃᑯᓐᓄᓪᓗ ᐊᐅᓪᓚᖅᑎᑕᐅᓚᐅᕐᒪᖔᑕ ᑎᑭᓴᖅᑕᐅᔪᑦ
- ᓇᓗᓇᐃᒃᑯᑕᐃᑦ ᓱᓕᔫᓂᕋᐃᓂᖅ ᑕᒻᒪᖅᑕᖅᓯᒪᖏᑦᑐᓂᒃ ᐊᒻᒪᓗ ᐱᓪᓚᑦᑕᑐᖓᔪᓂᒃ, ᑕᐃᒃᑯᐊᓗ ᐊᑭᑭᒡᓕᒋᐊᕈᑎᑦ ᓂᐅᕕᖅᑎᖏᓐᓄᑦ ᐊᑭᑭᒡᓕᒋᕈᑕᐅᓚᐅᖅᑐᑦ.
- ᓂᐅᕕᕐᕖᑦ ᐊᒻᒪᓗ ᑎᑭᓴᐃᕖᑦ ᐊᑐᓂ ᓴᑐᐃᒋᐊᓕᖃᑦᑕᖅᐳᑦ ᑕᕿᑕᒫᖅ. ᐃᒪᓐᓇ ᑕᒡᕙ ᐊᕕᒃᑐᖅᑕᐅᓯᒪᖃᑦᑕᖅᑐᑦ (ᓯᖃᓕᑎᖅᑕᐅᓗᑎᒃ) ᐊᖏᓂᖏᑦ ᐊᑭᑭᒡᓕᒋᐊᕈᑏᑦ ᓴᑐᖅᑕᐅᔪᓂ:
ᐊᑭᑭᒡᓕᒋᐊᕈᑎᐅᑉ ᐊᖏᓂᖓ ($/kg) × ᐊᒥᓱᐃᖅᑕᖅᑎᒋᓗᒋᑦ ᐊᖏᓂᖏᑦ ᐱᖁᑏᑦ (ᐅᖁᒪᐃᓐᓂᖏ KG-ᑯᑦ) = $ ᐊᑭᑭᒡᓕᒋᐊᖅᑎᑦᑎᓯᒪᓚᐅᕐᓂᕐᒧᑦ ᐊᑭᓕᖅᑕᐅᔪᑦ
ᐅᖃᐅᔾᔨᒋᐊᖅᑏᑦ ᑲᑎᒪᔩᑦ
- ᐅᖃᐅᔾᔨᒋᐊᖅᑏᑦ ᑲᑎᒪᔩᑦ ᐋᕿᒃᑕᐅᓚᐅᖅᑐᑦ ᐅᑭᐅᖅᑕᖅᑐᒥᐅᑕᐃᑦ ᓇᖕᒥᓂᖅ ᓂᐱᖃᕈᓐᓇᖁᓪᓗᒋᑦ ᖃᓄᖅ ᐊᐅᓚᑕᐅᓂᐊᕐᒪᖔᑕ ᐊᑐᒐᒃᓴᓕᐊᑦ.
- ᑲᑎᒪᔩᑦ ᑎᓕᔭᐅᓯᒪᕗᑦ ᑭᒡᒐᖅᑐᐃᔨᐅᓂᖅ ᐊᔾᔨᒌᖏᑦᑑᑎᒻᒪᕆᖕᓂᒃ ᐃᓱᒪᒋᔭᐅᔪᓂᒃ, ᐊᒻᒪᓗ ᐃᓚᐅᔭᕆᐊᖃᖅᑐᓂᒃ ᐅᑭᐅᖅᑕᖅᑐᒥᐅᑕᓂᒃ ᐃᓄᖕᓂᒃ ᓄᓇᓕᖕᓂᓗ. ᑲᑎᒪᔨᑦ ᐃᓄᓕᒫᓄᑦ ᒪᑐᐃᖓᔪᓂᒃ ᑲᑎᒪᖃᑦᑕᖅᑐᑦ ᐅᑭᐅᖅᑕᖅᑐᒥ ᐊᒻᒪᓗ ᐅᖃᕐᕕᐅᔪᓐᓇᖅᓱᑎᒃ ᖃᕆᑕᐅᔭᒃᑯᑦ ᑎᑎᖃᖅᑕᕈᑎᖏᓐᓄᑦ ᐅᕝᕙᓗᓐᓃᑦ ᑎᑎᖃᕐᓂᐊᕐᕕᒃᑯᑦ ᑎᑎᖃᖅᑖᕐᕕᖏᓐᓄᑦ ᐊᕐᕋᒍᓕᒫᖅ.
- ᑲᑎᒪᔨᖏᑦ ᑎᒃᑯᐊᖅᑕᐅᓯᒪᖃᑦᑕᖅᑐᑦ ᒥᓂᔅᑕᒧᑦ ᓄᓇᖃᖄᖅᑐᓕᕆᔨᒃᑯᑦ ᐊᒻᒪᓗ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒧᑦ ᑲᓇᑕᒥ, ᐊᒻᒪᓗ ᐊᑭᓕᖅᑐᖅᑕᐅᖏ ᔅᓱᑎᒃ ᐱᓕᕆᕙᒃᑐᑦ, ᐱᔪᓐᓇᕐᓃᓐᓇᒥᒍᑦ, ᑭᒡᒐᖅᑐᐃᔨᐅᑎᑕᐅᓇᑎᒃ ᐅᑯᓂᖓᓪᓗᑐᖅ ᓱᑕᐃᔭᖅᑕᐅᓯᒪᔪᓂᒃ ᑎᒥᐅᔪᓂᒃ ᐅᕝᕙᓗᓐᓃᑦ ᐃᖕᒥᒃᑰᖅᑐᓂᒃ .
- ᑐᑭᓯᒋᐊᑦᑎᐊᒃᑲᓂᕈᒪᒍᕕᑦ ᑕᑯᓗᒍ ᑲᑎᒪᔨᑦ ᒥᒃᓵᓄᑦ
ᓂᕿᑦ ᐃᓄᐃᑦ ᓄᓇᖏᓐᓃᖓᖅᑐᑦ
- ᒪᓕᒃᑕᐅᓪᓗᑎᒃ ᓇᑭᖔᕐᓂᖏᑦ ᑎᑭᑎᑕᐅᔪᑦ, ᐃᓄᐃᑦ ᓄᓇᖏᓐᓃᖓᖅᑐᑦ ᓂᖀᑦ ᒪᕐᕉᖕᓂᒃ ᐊᑐᒐᒃᓴᖅᑲᖅᑎᑕᐅᕗᑦ ᐊᑭᑭᒡᓕᒋᐊᖅᑕᐅᓯᒪᔾᔪᑎᓂᒃ ᐊᑐᒐᒃᓴᓕᐊᓂᒃ.
- ᐃᓄᐃᑦ ᓄᓇᖏᓐᓂᖔᖅᑐᑦ ᓂᖀᑦ ᑎᑭᑎᑕᐅᔪᑦ ᖃᓗᓈᓂᒃ ᖃᖓᑕᓲᒃᑯᑦ ᐊᑎᓕᐅᖅᑕᐅᓯᒪᔪᑎᒍᑦ ᓂᐅᕕᕐᕕᖕᒧᑦ ᑎᑭᓴᐃᕝᕕᖕᒧᓪᓗᓐᓃᑦ ᐃᓚᐅᔪᓐᓇᖅᐳᑦ ᐳᖅᑐᓂᖅᓴᓂᒃ ᐊᑐᕈᓐᓇᕐᓂᖅ ᐊᑭᑭᒡᓕᒋᐊᕈᑎᒃᓴᓂᒃ, ᐊᔾᔭᓴᐃᓐᓇᑲᓴᖕᖏᓂᒃ ᓂᕿᑖᕈᑎᓂᒃ ᓂᐅᕕᕐᕕᖕᓂᒃ. ᖃᓗᓈᓂᕐᒥᐅᑕᐅᓂᕋᖅᑕᐅᕗᑦ ᓇᓂᑐᐃᓐᓇᖅ ᑲᓇᑕᒥ ᐊᓯᖏᑦ ᓄᓇᓖᑦ ᑎᑭᕝᕕᐅᓂᐊᖅᑐᑦ ᐊᑐᖅᓱᑎᒃ ᐊᑭᑭᒡᓕᒋᐊᕈᑎᒃᓴᓂᒃ ᐊᑐᒐᒃᓴᓕᐊᖑᓯᒪᔪᓂᒃ.
- ᐃᓄᐃᑦ ᓂᕿᖏᑦ ᑎᑭᑎᑕᐅᔪᑦ ᖃᖓᓲᒃᑯᑦ ᐃᖃᓗᒃᑑᑦᑎᐊᕐᒥᒃ, ᑲᖏᖅᖠᓂᕐᒥᒃ ᐅᕝᕙᓗᓐᓃᑦ ᐸᓐᓂᖅᑑᒥᒃ, ᓄᓇᕗᑦ ᐊᓯᖏᓐᓄᑦ ᐊᕙᑎᐊᓄᑦ ᐃᓚᐅᔪᓐᓇᖅᑐᓄᑦ ᓄᓇᓕᖕᓂᑦ ᐊᑐᕈᓐᓇᖅᐳᑦ ᓱᖏᐅᑎᔭᐅᓯᒪᔪᓂᒃ ᐊᑭᑭᒡᓕᒋᐊᕈᑎᓂᒃ ᐋᖀᐅᒪᔭᐅᔪᓂᒃ . ᓱᖏᐅᑎᔭᐅᓯᒪᔪᑦ ᐊᑭᑭᒡᓕᒋᐊᕉᑎᑦ ᑐᕌᖓᔪᑦ ᓄᓇᒥᖔᖅᑐᓂᒃ ᓂᕿᓂᒃ ᓂᕿᓕᕆᔭᐅᔪᕕᓂᐅᔪᓂᒃ ᒐᕙᒪᒃᑯᓐᓄᑦ ᐊᑎᓕᐅᖅᑕᐅᓯᒪᔪᓂ ᓂᕿᓕᕆᕕᖕᓂ, ᓇᓕᐊᖕᓂᑐᐃᓐᓇᖅ ᑖᒃᑯᓇᓂ ᓄᓇᓕᖕᓂᒃ.
ᓂᕿᑦᑎᐊᕙᓕᕆᓂᕐᒥᒃ ᐃᓕᓐᓂᐊᖅᑎᑦᑎᕙᓪᓕᐊᔾᔪᑎᑦ
- ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑲᓇᑕᒥ ᑮᓇᐅᔭᖃᖅᑎᑦᑎᓲᖑᖕᒪᑕ ᐃᓕᖅᑯᓯᕐᒧᑦ ᓈᒪᒃᑐᓂᒃ ᓂᐅᕕᕐᕕᖕᓂᒃ ᐊᒻᒪᓗ ᓄᓇᓕᖕᒥᐅᑕᓄᑦ ᓂᕿᑦᑎᐊᕙᓕᕆᓂᕐᒥᒃ ᐃᓕᓐᓂᐊᓂᖅᑎᑦᑎᕙᓪᓕᐊᓂᖅ. ᑕᒪᒃᑯᐊ ᐊᑑᑎᖃᖅᐳᑦ ᖃᐅᔨᒪᔭᐅᓂᖅᓴᐅᑎᑦᑎᓂᕐᒥᒃ ᐊᒻᒪᓗ ᐊᔪᖏᓐᓂᖃᕐᓂᖅᓴᐅᓂᕐᒥᒃ ᓂᕿᓂᒃ ᓂᕈᐊᑦᑎᐊᖃᑦᑕᕈᓐᓇᕐᓂᖅ ᐊᒻᒪᓗ ᓂᕿᓕᕆᑦᑎᐊᕈᓐᓇᕐᓂᖅ ᑎᒥᒧᑦ ᐱᐅᔫᑎᓂᒃ ᓂᕿᑦᑎᐊᕙᖕᓂᒃ ᓂᐅᕕᕐᕕᖕᓂᒃ ᓂᐅᕕᐊᓂᒃ ᐊᒻᒪᓗ ᐃᓄᐃᑦ ᓂᕿᖁᑎᖏᓐᓂᒃ ᓄᓇᒥᖓᖅᑐᕕᓂᐅᔪᓂᒡᓗᓐᓃᑦ ᓂᕿᓂᒃ, ᐊᑐᖅᑕᐅᓂᖅᓴᐅᖁᔨᓂᕐᒧᑦ ᓂᕿᑦᑎᐊᕆᒃᑐᓂᒃ ᓂᕆᓂᖅᓴᐅᖃᑦᑕᖁᔨᓂᖅ.
- ᑮᓇᐅᔭᒃᓴᐃᑦ ᐊᑐᐃᓐᓇᐅᕗᑦ ᓄᓇᖃᖄᖅᑐᓄᑦ ᐊᒻᒪᓗ ᐃᓄᐃᑦ ᓄᓇᖏᓐᓄᑦ ᐃᓚᐅᖃᑕᐅᔪᓐᓇᖅᑐᓂ ᑕᒪᐃᓐᓂᒃ ᐊᑭᑭᒡᓕᒋᐊᕈᑎᒃᓴᖃᖅᑎᑕᐅᔪᓂᒃ ᐊᑐᖅᑕᐅᔪᓐᓇᖅᑐᓂᒃ ᑖᒃᑯᓇᖓᑦ.